Eto yung pabirong sabi ko dati noon sa isang chatroom 4-5 years ago na. May mga taong hindi kuntento sa sarili lalo sa status ng kanilang buhay or marahil sa pisikal nilang kaanyuan. Nagpagisip-isip ko na sadyang hindi talaga binigay ng Diyos sa kanila iyon dahil meron silang balak na gamitin nila iyon sa kasamaan, nakakatawang isipin hindi ba?
Kaya minsan huwag nating sisihin ang Diyos dahil hindi tayo pinagkalooban ng magandang boses, marahil sa ibang bagay tayo magiging epektibo. O kaya wala tayong masasabing kaaya-ayang pisikal na katawan dahil, aanhin pa ang magandang pisikal na katawan kung bulok naman ang kalooban.
Sa huli maging kuntento tayo kung ano ang meron tayo ngayon at pagsikapan nating i-excel ito. Dahil alam ko na kapag naging epektibo tayo sa kung ano ang meron tayo ngayon ay bibiyayaan tayo ng higit pa sa ating inaasahan.²
¹James 4:3
²Matthew 25:21
